Різдвяна пачка для Лемків з Донбасу
В передден Різдвяних Свят Об’єднання лемків організує акцію помочи вимушеним переселенцям з лемківских родин, яки перед обличям воєнний дій сут змушени до опущиня своїх хиж, часто в поспіху, без найпотрібніших річи.
Зобрани дари будут перевезени представниками ОЛ в Україну і розослани на адреси конкретних родин (переважні сут то родини з дітми) з Луганьской і Донецкой области, котри мешкают тепер в інших регіонах України.
Дари можна приносити до бюра ОЛ
(ул. Яґєлли 2, 38-300 Ґорлиці, вхід през браму од ул. 3 Мая)
до 19 грудня
по контакті телефонічним:
тел. 18 35 32 906,
додаткови тел.:
603 553 320,
603 789 364.
Подаєме стисли дани про вік діти в родинах:
- хлопчик Микита 2 роки;
- хлопец і дівчина 16 – 17 років з Переможного — найбільшого лемківского села під Луганьском, зруйнуваного в серпни;
- дівчинка Руслана 5 років;
- дівчатка Яна 8 років, Катя 1 рік, Анна 2 роки;
- дівчинка Валерія 5 років;
- дівчинка 1,5 рока;
- дівчинка Ліза 8 років, хлопчик 1,5 рока — тіж з Переможного;
- дівчинка 7 років.
Барз просиме підписати, для кого кєруєте дари — вік дівчинки чи хлопчика. Потрібни сут солодощи для діти, забавки, одяг і черевики (можут бити уживани, але в добрим стані).
Просиме не приносити річи, яки не можна перевозити през границю, як наприклад ліки, а тіж продукти, котри прудко ся псуют.
Подайме руку своїм братям лемкам в трудним часі,
подаруйме дітям радіст з переживаня Різдвяних Свят,
не позвольме, жеби війна знищила їх віру в ДОБРО і СПРАВЕДЛИВІСТ.