Угода в справі звороту лісів!
Од 1991 року Об’єднання лемків провадит стараня, яки сприяют зворотови забраной державом власности, яка належала лемкам депортуваним в рамах операції «Вісла».
ОЛ шторока звертатся до Міністерства середовища РП з вимогом стримувати витинаня дерев в тих лісах, котрих власники або спадкоємці ведут стараня про їх зворот.
12 жовтня 2015 р. в Варшаві представники Об’єднання лемків — голова Еміль Гойсак и заступник голови Штефан Клапик підписали з заступником Генерального директора «Державних лісів» Янушом Залеским и віце-міністром Міністерства середовища РП Катажином Кемпком угоду штодо видаваня власности давним власникам, котрим суд одповідньом постановом звернув їхню незаконно забрану власніст.
В угоді перерахувани сут практични правила звороту лісів «Державнима лісами» од імени Державной скарбниці. Документи и інформації подаєме ниже.
